Жаңалықтар

Жұмағали Тлеулин атындағы Солтүстік Қазақстан жоғары медициналық колледжінің студенттер мен оқытушылары Балалар үйінде ұйымдастырылған қайырымдылық акциясына қатысты.

Акцияның мақсаты — Балалар үйінде тәрбиеленіп жатқан балаларға көмек көрсету, сондай-ақ болашақ медицина қызметкерлері тарапынан қамқорлық, көңіл бөлу және қолдау білдіру болды. Іс-шара аясында алғашқы қажеттілік заттары, күтім құралдары, балалар киімдері мен ойыншықтар жиналып, табысталды.

Акцияға қатысушылар балаларға тек материалдық көмек көрсетіп қана қоймай, жылулық, мейірім мен жағымды эмоциялар сыйлады. Мұндай іс-шаралар студенттердің мейірімділік, жауапкершілік және адамгершілік қарым-қатынас сияқты маңызды қасиеттерін қалыптастыруға ықпал етеді, бұл медицина мамандығы үшін ерекше маңызды.