Петропавлда ашық есік күні – болашақ мамандармен жүздесу!
Ж.Тілеулин атындағы Солтүстік Қазақстан жоғары медициналық колледжінде өткен ашық есік күніне 120-ға жуық мектеп оқушысы қатысты. Облыс орталығының 13 мектебінен келген 9-11 сынып оқушылары колледждің тарихымен, мамандықтарымен және студенттердің күнделікті тәжірибесімен танысты.
Сахналық қойылымдар мен практикалық көрсетілімдер шараға ерекше әсер берді. Бұл – болашақ ақ халатты абзал жандарға алғашқы қадам.
Биыл 95 жылдығын атап өтетін колледж – өңіріміздегі медициналық кадр даярлайтын жалғыз оқу орны. Қазір мұнда 1200-ге жуық студент білім алып жатыр.
Кәсіптік бағдар — болашаққа апарар жол!
