Жаңалықтар

Медицина колледжінде қызметкерлерден сыбайлас жемқорлық құқық бұзушылық туралы хабарлама түскен жағдайда әрекет ету алгоритмі және оларды қорғауды қамтамасыз ету мәселелеріне арналған оқытушылармен ақпараттық-түсіндіру кездесуі өтті. Құжаттың негізгі ережелерін комплаенс-маман түсіндіріп, төмендегі мәселелерге жан-жақты тоқталды:
* сыбайлас жемқорлық құқық бұзушылық туралы хабарлама алынған кезде дұрыс әрекет ету тәртібі;
* сыбайлас жемқорлық фактілері туралы хабарлау үшін қарастырылған арналар;
* құқық бұзушылықтар туралы хабарлаған қызметкерлерге берілетін кепілдіктер мен қорғау шаралары;
* құпиялылықтың маңыздылығы және хабарлаушыларға қатысты қысым көрсетуге немесе кемсітуге жол бермеу.
Кездесу барысында сыбайлас жемқорлыққа нөлдік төзімділік мәдениетін қалыптастырудағы, сондай-ақ кәсіби қызметте адалдық пен әділдік қағидаттарын сақтаудағы басшылар мен оқытушылардың рөліне ерекше назар аударылды.
Мұндай кездесулер қызметкерлердің өз құқықтарын қорғау тетіктерін жақсы түсінуіне ықпал етіп, жұмысқа жауапкершілікпен қарау мәдениетін қалыптастырады